“Kapakyasan sa Gugma”
Dako nga pagbati ang akong naangkon
Sa imung pag-abot sa akong kinabuhi
Akong hinigugma, nasayod ka ba?
Ikaw sama sa bulawan nga akong gi abiba
Sakit dawaton ang kamatuoran
Nga ugma damlag damgo ra ang tanan
Ikaw mihawa sa akong atubangan
Ug way duhaduhang mikuyog sa uban
Matag gabii akong masinatian
Ang hayag sa bulan ug kabitoonan
Daw ang kahayag dili mapalgan
Saksi ang tanan pagluib sa dughan
Akong pinangga nganong nabuhat mo?
Gimahal ko ikaw daw sama sa kalayo
Nag-init ang gugma hangtod sa kahangtoran
Apan wa damha nga kini tiawtiawan
Hingpit ko kining giampingan
Ang akong gugmang gilukoban
Sakit gayod palandongon
Sa usa ka pait nga kagahapon
No comments:
Post a Comment